Ang Armed Forces of the Philippines (AFP) nagsugod na sa pag-imbestiga sa background sa mga kandidato alang sa umaabot nga 2025 midterm elections. Kini usa ka lakang aron malikayan ang posibleng “foreign influence” nga makadaot sa integridad sa eleksyon. Sumala ni AFP Chief of Staff General Romeo Brawner Jr., gamit ang ilang intelligence operations, gitan-aw nila ang mga kandidato ug ilahang background. “Through our intelligence operations, tinitignan po natin ang lahat ng kandidato. Tinitignan po natin ang kanilang background, so meron tayong background check. Kung meron kaming makikita na red flags, we will inform the Comelec (Commission on Elections) about this,” matod niya atol sa pag-abri sa National Election Monitoring Action Center sa Camp Crame, Quezon City. “Ayaw natin maulit ang nangyari noong nakaraang eleksyon na may nakalusot na kandidato,” iyang dugang storya. “We are in collaboration with the PNP and Comelec to make sure that we prevent these kinds of things from happening again. So, pinaigting natin ang ating intelligence operations.”
Sa usa ka pamahayag, gipasiugda sa AFP nga ang maong lakang usa ka paagi aron matabangan ang Comelec sa pagpanalipod sa eleksyon ug pagsiguro sa nasodnong seguridad. “This initiative is conducted in coordination with the COMELEC and PNP, and focuses on identifying potential security threats arising from foreign interference and malign influence. Any findings will be confidentially relayed to the Comelec for appropriate action,” sumala pa sa AFP. Gipasalig usab sa AFP ang ilang pagka-non-partisan ug naglaom nga dili kini ma-misinterpret. “Our actions are anchored on impartiality and respect for the democratic process,” dugang pa nila. Sa milabay, gipahibalo sa National Intelligence Coordinating Agency (NICA) nga si Alice Guo, kanhing mayor sa Bamban, Tarlac, usa ka “agent of influence” nga gigamit ang iyang posisyon alang sa interes sa ubang nasod.
Nakadaog si Guo sa May 2022 elections. Gipasabot usab ni Comelec Chairman George Erwin Garcia nga ang foreign influence dili lang kutob sa cyberspace. “Ang foreign funding posibilidad iyon. Hindi naman direct na gagamit ‘yun eh, therefore, gagamitin ang pera sa pamimili ng boto para ang kanilang kampanya ay mapursige,” iyang giingon.
Padayon ang pagtutok sa AFP ug uban pang ahensya aron masiguro nga patas ang 2025 eleksyon.
